BLEFAROPTOZUN RASTGƏLMƏ TEZLİYİNƏ DAİR (ƏDƏBİYYAT İCMALI)

Xülasə

Yuxarı göz qapağı ptozunun (blefaroptoz, BP) tezliyinə həsr oluunmuş ədəbiyyat icmalı təqdim olunur.

Məqsəd – müxtəlif ölkələr və yaş qrupları üzrə bu problemə dair tədqiqatlarda bildirilən BP-nin tezliyini qiymətləndirmək və ən çox rast gəlinən potensial risk faktorlarını müəyyən etmək.
Oftalmoloji əməliyyatlardan sonra ptozun inkişafına, onun başvermə mexanizmlərinin aydınlaşdırılmasına və bu amillərin oftalmoloqlar tərəfindən qarşısının alınmasına xüsusi diqqət yetirilir. BP göz əməliyyatlarından sonra nisbətən geniş rast gəlinən ağırlaşmalardan biridir və müxtəlif səbəblər nəticəsində yarana bilər.

Önəmli səbəblərin müəyyən edilməsi məqsədilə müxtəlif cərrahi üsullardan istifadə edilmişdir. Bəzi müəlliflərin fikrincə, BP-nin inkişaf riski yaş artdıqca artır. Bu baxımdan, qeyd olunan risk faktorlarının göz əməliyyatına hazırlaşan xəstələrin məlumatlandırılmış razılığında əks olunması vacib hesab edilir.

Əməliyyatdan sonrakı BP tezliyini azaltmaq üçün cərrahi yanaşma, seçilən taktika və texnikanın tənzimlənməsi nəzərə alınmalıdır.